1. Mebratu Tamiru
  2. ግጥሞች / Poems
  3. Friday, 28 April 2017
#እንዳትሸነፊ እንዳትረቺ ነው!
ቀበጥባጣ: ወጣት ሎጋ ነበርክ ያኔ፣
የምድር ጎሊያድ ባለሙሉ ወኔ፣
ከቶ የማትደነግጥ ስታይህ ሄዋኔ፣
አየሁክ ስትልህ በህልም በእውኔ፣
ልብህ ፍስስ አለ እንደ አቦሸማኔ።
አንቺም አለሽ ለካ ቆንጆዋ ሄዋኔ፣
የአለም ሞናሊዛ ባለሙሉ ወኔ፣
ሁሉም ይመኝሻል እንድትሆኚው የኔ፣
ሲያደንቅሽ ሲያደንቅሽ ሲልሽ ብርቱካኔ፣
ልብሽ ደነደነ ሸፈተልሽ ያኔ።

ኤችአይቪ በደምሽ መንገዱን አወጣ፣
ቆዳሽ ኮሰመነ ፊትሽም ገረጣ፣
ነገር ተቀየረ ውስጥሽ ሰላም አጣ፣
የወደደሽ ሰውም ከህይወትሽ ወጣ፣
ሄደ ጥሎሽ ተሸከመ ሻንጣ፣
ማንን ሊያስይዝ ይሆን ተረኛ ባለእጣ።

ለዚ እኮ ነበረ አይንሽ አላይ ያለው፣
አለም፣ጊዜ፣ፀሐይ ሁሉም ቀጥ ብለው፣
ፍቅር በተሰኘው መእበል ተውጠው፣
የወትሮ ክዋኔ ስራቸውን እረስተው፣
አለማስተዋልሽ ይህ ሁሉ ላንቺ ነው፣
እንዳትሸነፊ እንዳትረቺ ነው።
Comment
There are no comments made yet.


There are no replies made for this post yet.
Be one of the first to reply to this post!